O Rincón de Candia'86

As Quendas 2.008

Tue, 29 Apr 2008 08:05:38 GMT

Feiras e festas de "As Quendas 2.008" e XXV edición da "Festa da Empanada"

As Quendas 2.008 xa están ahí xunto coa edición XXV da paralela Festa da Empanada. Esta ano as sonadas festas prolóngarense dende o vindeiro mércores 30 ate o sábado 3 de maio, sábado organizado polos feirantes e hostaleiros de Mondoñedo que decidiron prolongar un día máis a festa na cidade. Ao pe destas liñas deixovos o programa destas festas, e anímovos a tod@s que participes das mesmas facendonos unha visita por Mondoñedo aprobeitando tamén esta ponte festiva.

MÉRCORES 30 DE ABRIL

19:00h - Disparo de potentes bombas anunciando o inicio das festas.
19:30h - Saída do Concello da comitiva formada poas Autoridades, Pregoeira, membros da Comisión de Festas e Raíña e Damas das Festas, cara o auditorio. Estarán acompañandos polo grupo de gaitas "Os Reichos".
20:00h - Pregón no auditorio de Dona Alicia Tella Villamarín Ferreiro (bibliotecaria na biblioteca pública Pena Trapero). Seguidamente actuación do orfeón.
21:30h - Festa verbena coas orquestras "Suavecito" e "Jerusalén".

XOVES 1 DE MAIO - DÍA DE AS QUENDAS

10:30h - Disparo de potentes bombas de palenque anunciando o día grande.
11:00h - Apertura do recinto feiral.
12:00h - Degustación e venta de empanadas na Alameda.
13:30h - Entrega de premios do concurso de gando no campo da feira.
14:00h - Sesión vermú amenizada por un grupo musical.
17:30h - Xogos populares na Alameda.
20:00h - Teatro O Bordelo, representación da obra "RIP Marandaina" no auditorio municipal.
21:30h - Festa verbena coas orquestras "Sintonía de Vigo" e "Costa Oeste".

VENRES 2 DE MAIO

10:30h - Disparo de potentes bombas de palenque anunciando o inicio da xornada festiva.
14:00h - Sesión vermú amenizada por un grupo musical.
18:00h - Festival infantil a cargo da Asociación Xuvenil Xoldra na Casa da Xuventude.
19:30h - Teatro infantil na Casa da Xuventude. Representación por parte de Xoldra da obra "¿Qué pasou con María Caperucita".
21:30h - Festa verbena coas orquestras "Noche de estrellas" e "TVG".

SÁBADO 3 DE MAIO (Dia organizado polos hostaleiros mindonienses e feirantes)

22:30h Festa verbena coa orquestra "Azúcar".

Un saúdo

Candia'86

Novas actualizacións no Rincón

Mon, 21 Apr 2008 07:26:44 GMT

As mellores imaxes voltan ao “Rincón de Candia’86”

Tras un breve parón no cal este space non viu ningunha actualización, volvemos con máis forza que nunca, con case 100 novas imaxes para o voso disfrute.

No albume atardecer atoparedes novas instantáneas captadas esta mesma fin de semana dende a praia dos Castros en Ribadeo, non vos perdades estas imaxes.

Tamén un novo albume adicado ao deporte, as escolas deportivas da mariña reuníronse no colexio do Pilar en Foz, para facer entrega dos seus premios nas categorías inferiores de Baloncesto, Fútbol-Sala, Tenis de Mesa... nembargantes decir que a nota negativa foi a ausencia en todas as disciplinas deportivas das escolas mindonienses.

E por último e non por iso menos importante, traemos ata o Rincón imaxes da fermosa veciña Asturias, un albume que a dicir do seu autor é o mellor dos tres que se vos presentan nesta ocasión. Desta volta achegámonos ata Salas, O Viso, Cornellana ou Luarca para captar novas imaxes que traer ata este space.

Esperamos que desfrutedes con estas instantáneas, ao igual que desfrutamos nos cando disparamos os obxectivos das nosas cámaras.

Un saúdo

Candia’86

Carnaval 2.008 Lourenzá

Tue, 19 Feb 2008 08:30:34 GMT

O pásado domingo día 10 foi o escollido na veciña localidade de Lourenzá para desfrutar da maxia de D. Carnal. Centos de disfraces e de visitantes estiveron a encher de cor e son as rúas laurentinas.

O Rincón de Candia'86 ofréceche un completo álbum fotográfico co que se inicia tamén a galería correspondente a este 2.008.

Un saúdo

Candia'86

2.008, 3º ano do Rincón na rede

Tue, 08 Jan 2008 14:59:57 GMT

Un ano máis o Rincón de Candia'86, segue na rede.

2.008, terceiro ano deste space na rede, e un ano máis intentaremos informar dos acontecementos máis importantes que sucedan en Mondoñedo, tanto con novas, como por suposto, con imaxes a engadir ao xa extenso álbume. Tamén por suposto intentaremos incluir novos recunchos da nosa terra galega, como xa comezamos a facer o pasado ano.

2.007 trouxo ata o Rincón un novo record de visitas totais nun ano, así como o record total de visitantes nun día e nun mes; o fin de semana da Concentración Moteira, e o mes de agosto así como todo o ano 2.007 de especial importancia grazas as vosas visitas.

Neste 2.008, seguimos adiante, esperamos tamén contar coas vosas visitas ao igual que nos anteriores anos deste space en Internet.

E para comezar 2.008 traemos o anuncio dunha nova web con raíces mindonienses, cheganos desde o barrio dos Muíños, e quedara enlazada na sección de web´s amigas deste space. A dirección da páxina é a seguinte: http://recunchinho.mywebcommunity.org/index.html, esa é a dirección de enlace pero por suposto a web ten o seu propio nome que é: "O Recunchiño". Nesta web atoparedes gran información sobre Mondoñedo, música, fotos, debuxos, poemas, libros do autor e outros. Dende aquí anímobos a entrar neste novo recuncho de Mondoñedo en rede, unha nova páxina que ben a engrandecer a xa de por sí extensa lista de páxinas, coas que Mondoñedo conta na rede. Tamén coa chegada desta páxina queremos animar a Zalo, un compañeiro que deixou de actualizar o seu blogue fai tempo, e gustaríanos que volverá a el, xa que era todo un referente de obrigada visita na rede.

Saúdos a todos e feliz ano 2.008, esperámosbos como sempre no "Rincón de Candia'86"

Fomento do Fútbol-Sala en Mondoñedo

Wed, 19 Dec 2007 08:19:44 GMT

Mondoñedo vivirá unha xornada adicada ao fomento do deporte, coa presenza do 2º adestrador do Azkar de Lugo.

Dentro da colaboración que todos os anos presta o Azkar Lugo F.S. á Delegación de Deportes do Concello de Mondoñedo para o fomento do fútbol-sala, este mércores 26 de decembro de 2007 visitará as escolas Cadramón, segundo adestrador do devandito equipo.

As actividades empezarán as 18:45 no Edificio de a Mariña Central coa entrega por parte do Alcalde D. Manuel Orlando González Cruz e do Concelleiro de Deportes D. Xusto Fernández Haro de material deportivo para o alumnado das escolas deportivas que compiten dentro da actividade de Deporte Escolar organizada pola Xunta. Este ano contamos con 52 pícaros, formando en total catro equipos de fútbol-sala.

Ás 19:00 empezará unha charla coloquio por parte de Cadramón sobre: "O FÚTBOL-SALA NA ELITE". Esta charla dividirase en dúas partes, por un lado falarase dos medios audiovisuais no fútbol-sala de elite, e por outra parte de como se move un equipo en división de honra.

Esta visita terá unha parte práctica na que participarán xogadores da liga local de fútbol-sala de Mondoñedo. Cada equipo poderá mandar un xogador que xoga neste como representante á devandita sesión. Esta parte práctica será ás 21 horas no Polideportivo Municipal de Mondoñedo sendo a mesma unha sesión práctica na que se traballarán tarefas de adestramento para un equipo competición de elite.

Invítase a todos os adestradores da zona e xogadores dos distintos equipos de par nas devanditas charlas e na sesión práctica, considerando esta actividade unha boa oportunidade de achegarse doutra forma ao fútbol-sala de elite.

(Información obtida de: http://deporteenmondonedo.blogspot.com)

Candia'86

Novo deseño en mindonium.com

Fri, 14 Dec 2007 21:37:46 GMT

Mindonium estrea novo diseño na súa web

A nosa páxina amiga www.mindonium.com, estrea novo diseño na súa portada. Suso o seu webmaster, aposta por cores máis chamativas para modificar de forma rádical a portada do seu lar na rede.

Dende aquí saudamos a esta web e a o seu rexedor, aprobeitando para felicitalo polas modificacións apreciadas, e tamén agradecendolle todas as colaboracións establecidas.

Candia’86

Novo álbume de fotos, e segundo aniversario da 1º imaxe no space

Fri, 14 Dec 2007 11:20:22 GMT

Novo álbum de fotos

O Rincón de Candia’86 amplia horizontes, e trae ata os albumes fotográficos un novo lugar da xeografía galega, xa son preto de 3.000 as fotos que podedes ollar neste space; ademáis a publicación deste albume, ten tamén outro simbolismo especial, este domingo día 16 cúmprense dous anos dende que neste space se colgou a primeira instantánea, unha foto da Alameda dos Remedios, e con motivo desta data e das case 3.000 imaxes deste space chega ata o mesmo Pontevedra e os seus arredores.

Este último albume recolle imaxes da cidade de Pontevedra, os seus lugares máis emblemáticos e tamén unha boa selección de fotos nocturnas da cidade ou panorámicas. Aparte de Pontevedra, neste novo albume tamén poderedes ollar imaxes de lugares como o Mosteiro de Poio, os hórreos, rúas e cruceiros de Combarro, un precioso atarceder dende a praia, de Montalbo, unha panorámica da illa de Tambo, imaxes da coñecida illa da Lanzada, ou tamén o conxunto paisaxístico que se forma no lugar dos Muíños do río Barosa.

Descubrir o esplendor do Mosteiro de Poio, coas súas imaxes e toda a beleza do seu exterior; as amables xentes de Combarro, xunto cun paseo polas súas estreitas rúas, en calquera esquina atoparas un veciño do lugar disposto a manter unha agradable conversa contigo; a espectacular praia de Montalbo, que neste albume veredes a últimas horas da tardiña, a illa da Lanzada, coa súa igrexa e unhas vistas perfectas, a illa de Tambo, nunha imaxe captada xusto cos azos do sol entre as nubes, por suposto a beleza de Pontevedra, tanto con panorámicas a toda a cidade, como imaxes nocturnas de lugares de gran factura, natural ou creada polo home, e por suposto un amplo reportaxe do casco histórico da cidade e entre todo esto os Muíños do río Barosa, dende logo un lugar digno de visitar e plasmar en imaxes.

Con este albume o Rincón trae un novo lugar da nosa terra en imaxes, unhas imaxes que fan que a galería xeral deste space esteña xa moi próxima as 3.000 instantáneas. Espero que este último albume que se acaba de por sexa do voso agrado e as imaxes no vos defrauden.

Un saúdo

Candia’86

Homenaxe a Pascual Veiga

Fri, 14 Dec 2007 11:13:11 GMT

Actos conmemoratios do Centenario do Himno Galego en Mondoñedo.

Pascual Veiga e o seu tempo

Mondoñedo acolle dende o día 20 e ate o 22 unhas xornadas das máis agardadas nos últimos tempos, por fin a figura de Pascual Veiga vai a recibir por parte da sociedade o tributo e recoñecemento que se merece.

O xoves 20 farase a presentación pública dos actos en homenaxe a figura do ilustre mindoniense, será as 16.45 no local do Centro Comarcal da Mariña Central.

Dende o xoves e ate o sábado, Mondoñedo vivira unhas serie de conferencias, táboas redondas, concertos e actos homenaxe para o enxalzamento e recoñecemento histórico da figuro de Pascual Veiga, compositor da música do Himno Galego.

O acto central das xornadas será o sábado 22 as 12.15, inaugurarase a exposición: “Himno Os Tempos Son Chegados”, haberá unha ofrenda floral e interpretación da Alborada de Veiga diante a súa tumba no cemiterio vello, seguidamente e xa na Alameda dos Remedios descubrirase un busto en nome do músico, así como soara a interpretación, no mesmo lugar, do Canto popular do Himno Galego por parte da Coral Mestre Pacheco.

Esperamos que con estas xornadas sexan vividas coa intensidade que se merece, xa que este gran ilustre mindoniense compuxo fai xa 100 anos a música da Alborada máis famosa do mundo enteiro, a Galega.

Candia’86

Desfruta o Nadal no Casino de Mondoñedo

Fri, 14 Dec 2007 11:09:05 GMT

O Casino de Mondoñedo, amenízanos o nadal con grandes veladas.

A primeira delas será o venres 21 co concerto de ANDRÉS SUAREZ, e ao remate da súa actuación terá lugar o “III gran karaoke do Nadal”.

A segunda cita co Casino mindoniense será a noite de fin de ano, as 2.00 h actuación do grupo ÉLITE.

E xa para rematar estas festas o día 5 de xaneiro noite de reis, terá lugar a típica “Cea-Baile” servida a iso das 22.30 h por Chao da Brea, e coa actuación de JOTA SANTANA (están a venda as tarxetas para acudir a cea, podes atopalas no Rincón de Mondoñedo)

Boas festas a tod@s

Candia’86

1º concurso de tapas de Mondoñedo

Fri, 30 Nov 2007 17:12:18 GMT

De tapas por Mondoñedo

Hoxe e maña podemos desfrutar do 1º concurso de tapas que se celebra na cidade de Mondoñedo; organizado pola ACIAM e coa participación de:

Bar Castro

Cervecería Abadía

Bar Central

A Bodeguiña

Mesón Os Arcos

A Tasca

O Novo Bar da Fontevella

O Rincón de Mondoñedo

O Padornelo

O Valeco

O Rei das Tartas (Praza da Catedral)

Bodegón a Catedral

A Tropicana

Cada un destes establecementos concursa con duas tapas que poderán ser degustadas durante a tarde noite de hoxe e durante o día de maña (excepto hoxe no Central e maña no Castro). O prezo de cada tapa é de 1,00 €.

Estas delicatesen que preparen os nosos hosteleiros ademáis participaran para a consecución dos tres premios que outorgara o concurso:

1 premio a mellor tapa tradicional

1 premio a mellor presentación

1 premio a tapa máis creativa.

Todas a deleitar o seu paladar co 1º concurso de tapas de Mondoñedo. Sorte a todos os establecementos colaborados.

Un saúdo

Candia'86

Pub Tal e cual

Thu, 29 Nov 2007 08:35:47 GMT

O pub Tal e Cual de Mondoñedo preséntanos as súas festas para esta ponte, recibamos con bo pe o nadal en Mondoñedo.

Venres 30: Bingo Tal e Cual!!! Por cada liña ganadora tres copas, e por un bingo premio base de 30 € + bote acumulado nos cartóns.

Mércores 5: a música máis moderna estará ao teu alcance: Winter Dance´07, poderás conseguilo no Tal e Cual.

Venres 7: Festa Barcadi Limón, desfruta deste doce sabor.

Xa sabedes, a desfrutar da ponte festiva e dar a benvida ao nadal en Mondoñedo, achegádevos ao pub Tal e Cual.

Candia'86

Proxecto POLAFïAS en Mondoñedo

Sat, 17 Nov 2007 08:41:40 GMT

Chega a cidade mindoniense o proxecto "POLAFÍAS", do cal tedes toda a información nos seguintes parágrafos. Grazas a D. Antonio Reigosa*, por facilitarnos toda esta información.

Comezan as POLAFÍAS, un proxecto da Aelg e a D.X. de Creación e Difusión Cultural.

____________________________________________________________________________

POLAFÍAS 2007

PRESENTACIÓN E CALENDARIO

As polafías son unha proxecto da Asociación de Escritores en Lingua Galega (AELG), coordinado polo Vogal de Literatura de Tradición Oral, Antonio Reigosa, que conta co patrocinio da Dirección Xeral de Creación e Difusión Cultural da Consellería de Cultura e coa colaboración de diversas asociacións locais.

A palabra polafía é un neoloxismo referido ás reunións ou veladas de carácter festivo con contidos literarios e musicais, e ten como obxectivo primordial o de poñer en valor e rescatar do esquecemento o valioso patrimonio oral, literario e musical, galego.

O termo polafía quere reunir no seu significado o mellor dos diferentes matices e acepcións de vellas palabras (polavilas, fías, fiadas, fiandóns, seráns,...) con semellantes contidos.

A principal diferenza, en canto ao desenvolvemento, daquelas xuntanzas de antigo co desta nova proposta é que agora podemos, e debemos, axudarnos das novas tecnoloxías, desde os aparellos de gravación, que favorecen o arquivo e estudo do recompilado, ata o uso de novas tecnoloxías, caso de internet, que poden contribuír a unha ampla difusión deste patrimonio.

O formato das polafías require a presenza dun mantedor, divulgador ou especialista que introducirá e comentará as principais características das pezas e xéneros literarios amosados; dun músico, que interpretará romances, coplas ou cantares de raiceiras tradicionais. Sen embargo, o elemento humano transcendental e imprescindible no desenvolvemento de cada polafía constituírano os homes e mulleres, narradores, cantadores, romanceadores...etc, serán os veciños de cada lugar onde se desenvolva a polafía, pois eles son os auténticos protagonistas. O que suceda nas polafías será gravado e logo difundido a través da web da AELG.

As polafías terán unha duración de entre 70-80 minutos. Para este ano 2007 vanse desenvolver ao longo do mes de novembro e decembro nos lugares e datas que relacionamos:

POLAFÍA EN MONDOÑEDO (LUGO)

Lugar: Casa da Xuventude de Mondoñedo

Data: sábado, 17 de novembro de 2007

Hora: 19 horas

Interveñen:

Divulgador: Antonio Reigosa

Músico: Antón Castro

Narrador/a oral: Elva Requeijo

Colaboran: Concello de Mondoñedo e Asociación Cultural “Pena do Golpe”.

...................................

* ANTONIO REIGOSA CARREIRAS

Traballa no Museo Provincial de Lugo desde 1982. Ata 2006 estivo destinado no

Departamento de Didáctica e desde este ano é Responsable de Comunicación e T.I.C. da Rede

Museística Provincial.

É escritor, conferenciante, investigador da mitoloxía e da literatura oral galega, colabora con

traballos de divulgación relacionados coa historia, a arte, a etnografía, a mitoloxía popular e a

literatura oral en diversos medios de comunicación e revistas especializadas.

Cofundador de "Chaira", Grupo de Investigación Etnográfica (Lugo 1992), do que tamén

forman parte Ofelia Carnero, Mercedes Salvador e Xoán R. Cuba, con campañas de recollida

de literatura oral en distintos concellos da provincia de Lugo. Ponente en numerosas xornadas

e congresos. Participa en campañas de promoción da lectura nos centros de ensino, bibliotecas

e asociacións culturais.

Creador e coordinador de contidos da Enciclopedia da Fantasía popular de Galicia denominada

Galicia Encantada (www.galiciaencantada.com).

Coordinador da revista oral de periodicidade trimestral “O pazo das musas”, editada polo

Museo Provincial de Lugo desde 2004, e da revista oral de periodicidade semestral “A voz dos

carraos”, editada polo Museo Provincial do Mar de San Cibrao desde 2006.

Autor de unidades didácticas para o Museo Provincial de Lugo, entre elas: Pintar un conto,

Rutas literarias
, Safari no museo, Ruta franciscana, A muralla no museo, Xogo de pistas
Lucus Augusti
...etc., coautor da Guía do Museo provincial de Lugo, da web do mesmo museo,

coordinador das Xornadas Pedagóxicas e doutras inciativas e actividades nas que se procura a

participación e a interrelación entre todo tipo de públicos.

Autor de libros como Memorias dun raposo (1998), Resalgario (2001), Bacoriño (2004), A

noite dos pesadelos (2006) e A escola de Briador (2006)

Coautor (con X. Miranda e Xoán R. Cuba) do Diccionario dos dos seres míticos galegos

(1999), Pequena mitoloxía de Galicia (2001), Contos colorados (2001),, Antoloxía do conto

de tradición oral (2001) e da colección de contos de 20 tomos denominda Cabalo buligán

(1998-2204). Coautor (con Ofelia Carnero, Mercedes Salvador e X. R. Cuba) de Polavila na

Pontenova (1998) e Da fala dos brañegos (2004). Coautor (con X. Miranda) de Cando os

animais falaban (2002), Arrepíos e outros medos (2004) e A flor da auga (2006). Nestes días

sae de imprensa a versión en castelán do Diccionario de los seres míticos gallegos.

Recibiu, entre outros, os seguintes premios: Certame Nacional de Artes e Tradicións populares

do Ministerio de Cultura(1987), o Facho (1989), o Premio Merlín, (1998 ), Premio Supernova

(1999), Premio Raíña Lupa,(2000), Lucense do Ano (2002), Premio Frei Martín Sarmiento

(2005), Premio de Comunicación “María Castaña” 2006 pola web Galicia Encantada; foi

finalista do Premio Nacional de Literatura Infantil o ano 1999 con “Memorias dun raposo” e

do Premio Pura e Dora Vázquez de Creación Literaria o ano 2004 con “Pesadelos”. (texto obtido da web: www.pontenasondas.org)

************************************

Candia'86

2º ano na rede, O Rincón de Candia'86

Fri, 09 Nov 2007 16:47:20 GMT

Amigos o Rincón de Candia’86, ven de cumprir esta mesma semana o seu SEGUNDO ANIVERSARIO NA REDE; un segundo ano cheo de novidades e co atractivo do aumento das visitas.

Novos álbum´s de fotos que se actualizan temporalmente, máis artigos, información de fora de Mondoñedo, lugares de interese turístico da Mariña con fotos, festas, eventos, deportes e unha nova sección que foi de gran acollida: Os videos do Rincón.

Cando o Rincón cumpría o seu primeiro ano, contaba por aquelas datas con pouco máis de 10.000 visitas, agora cando está a celebrar o seu 2º aniversario ten 30.000 visitas, o que ben a supoñer que no paso deste segundo ano tivo 20.000 entradas o dobre que no primeiro, todo un aliciente para continuar traendo ata este punto de Internet máis e máis información desta comarca.

Quero agradecervos a tod@s as vosas visistas a esta web, as vosas firmas no libro e tamén a os que pola rúa me comentades que estivestedes a facer unha visitiña por aquí, a tod@s GRAZAS.

Tamén agradecer unha vez máis as web´s amigas: www.mindonium.com e www.mondonedo.net¸ polo seu apoio, tamén outras web´s que teñen a esta enlazada:

www.mindoniense.com

www.ppdemondonedo.com/portal

kelbreakingrules.spaces.live.com/

blogaliza.org

buscador.vieiros.com/ligazons

www.google.es

www.terra.es

www.msn.com

deporteenmondonedo.blogspot.com

www.blogoteca.com/noriegamindoniense/index.php

hrpadornelo.blogspot.com

adriantxu1.spaces.live.com

rutitadance.spaces.live.com

technorati.com

mtrece.spaces.live.com

Agora a seguir traballando, este é xa o terceiro ano desta andaina na rede.

Sigo a agardavos con máis novas aquí no Rincón, grazas a tod@s.

Un saúdo

Candia’86

A selección española de fútbol sala chega a Mariña

Tue, 30 Oct 2007 08:28:03 GMT

A selección española de fútbol sala visita a Mariña de Lugo

Burela, 30 de outubro de 2.007

A cidade de Burela, próspera no fútbol sala, acolleu por primeira ver un partido da nosa selección.

España enfrontouse na tarde noite deste luns, en encontro amigable contra a selección de Romanía, o resultado final do choque foi de 4-1 para os vermellóns!!!.

Dende os primeiros compases do encontro España foi clara dominadora do choque, pero Romanía sabía moi ben como fecharse atrás, e as súas contras traían moito perigo ante a portería española; pero unha mala man dun xogador Rumano na súa area custoulles un penalti, o cal foi aproveitado por España para adiantarse no marcador. Pouco durou a ledicia, xa que de contado chegaría o que foi o mellor gol do encontro, o único de Romanía, pero de fermosa factura, de lanzamento directo de falta por todo a escadra, un gran gol; co marcador de 1-1 chegábase ao descanso.

Durante o tempo de lecer, os máis novos das categorías inferiores do Burela, deleitaron ao público, un total de 14 rapaces na pista do Vista Alegre, deixaron entrever que na cidade Pataqueira a tradición por este deporte vai a máis, iso si os máis cativos non tiveron atinados de cara o gol.

Xa no segundo tempo máis do mesmo, dominio de España, e unha Romanía moi ben cerrada atrás e con contras moi perigosas, inclusive se puido adiantar no marcador, non foi así, e na recta final do encontro tres grandes xogadas españolas significaron outros tantos goles, deixando o 4-1 final no marcador.

Moi bo xogo o visto en Burela, a selección non defraudou, aínda que cabe subliñar que se esperaba unha goleada maior, non puido ser, pero polo visto nas gradas a afición desfrutou moito. Un cheo absoluto, e moito moito ánimo a selección Nacional na súa visita a estas terras. A nota negativa do encontro, provocouna o xogador nacional Rumano nº 6, cando se revelou contra o público e o increpou nun dos corner´s, un xesto que se quedou so niso, e non desluciu para nada a festa do deporte rei. Ao final do encontro ovación para locais e visitantes.

Aquí vos deixo algunha fotos, pídovos perdón pola calidade das mesmas, foron sacadas co móbil.

Sorte a nosa selección para o Europeo de Portugal, e tamén sorte para o Burela – Pescados Rubén, ogalla este ano vaia a vencida e consiga o seu ascenso a división de honor do fútbol sala español.

Candia’86

Resumo das S. Lucas 2.007

Thu, 25 Oct 2007 07:34:21 GMT

S. Lucas 2.007

Un ano máis Mondoñedo foi un referente a nivel nacional durante as súas festas de S. Lucas; nesta edición 2.007, que foi moi criticada polo programa que se nos presentou. Ainda así puidemos ver de novo as inmensas mareas humanas que atraen as S. Lucas, catalogadas de interese turístico nacional.

O primeiro día, mércores 17 foron moitos os visitantes que se achegaron a ver a actuación de dúas grandes orquestras como son Panorama e Sintonía, así como a degustar o manxar por excelencia destas festas, o polbo, nesta xornada os mindonienses foron os que ata máis tarde se quedaron xa que na vindeira xornada o día 18 día grande era festivo; e así chegou o día de S. Lucas, centos de cabalos no campo dos Paxariños e pouco a pouco a marea humana inundou a zona da festa e os aparcadoiros coma sempre quedáronse pequenos para acoller o gran número de vehículos; pasada esta xornada chegou o venres, e con el o concerto de Luar na Lubre, o prato forte destas festas, e tamén moi criticado, ao final, nin foi tan malo nin tan bo, se temos en conta a calidade do grupo espectacular, pero a acollida do público puido ser bastante mellor, din que sobre 500 ou 1.000 persoas; iso si a noite de festa do venres non defraudo, as colas nas casetas do polbo eran inmensas, e a noite nos pub´s do mellorciño que se recorda, con moita xente pero sen chegar aos temidos agobios. Agora si, chega o sábado, dende primeira hora xa se podía ver que o día nos ía a axudar en canto ao metereolóxico tal e como así foi durante os 5 días, algo case impensable, e como non, nunha xornada de fin de semana os turistas responderon, e dende 1 hora e ata ven entrada a madrugada Mondoñedo acolleu a miles de persoas, que desfrutaron dos postos nas rúas, da festa e un día máis, como non do polbo, cunhas colas de máis de 3 horas, e como non a noite que se prolongou para algúns ata o amencer do día seguinte, significou para Mondoñedo un cheo absoluto; así chegábamos ata a última xornada festiva o fin das S. Lucas 2.007, comezaba o domingo con pouca xente, pero a media maña cando a fame empezaba a apertar unha vez máis a marea humana paseouse por Mondoñedo e converteu a cidade na capital de Galicia por uns días; o domingo como non e para manter a tónica destas S. Lucas, tamén foi moi soleado, e así aprestouse para que o público puidera gozar durante toda a xornada das exhibicións dos TimberSports que dende logo foron espectaculares, cheas de maxia como así recoñeceu o público cos seus cariñosos aplausos.

En resumo as S. Lucas 2.007, unhas das máis criticadas polos eu programa de actos, foron moito máis do que moitos se agardaban, e deixaron unha vez máis o listón moi algo, unha frase moi escoitada estes días e que quedará para o recordo: “Aínda que queiran acabar coas S. Lucas, non poden!” unha frase que se repetiu durante estas festas queixandose do programa das mesmas para este ano.

Agora queda agardar as S. Lucas 2.008, que por certo o día grande será sábado e iso xa é máis que un aliciente; pero antes... O Nadal, reis, Semana Santa, As Quendas, Mercado Medieval, a Rapa das Bestas, Os Remedios... moito e bon en Mondoñedo.

Queda ao voso dispor un albume fotográfico das S. Lucas 2.007, coas imaxes da feira cabalar, a marea humana nas rúas, as espectaculares pezas dos TimberSports ou unha mostra do cheo absoluto dos aparcadoiros na cidade.

Candia’86

Novas imaxes

Mon, 15 Oct 2007 07:28:22 GMT

Novas imaxes para o Rincón

Xa tendes ao voso dispor novas imaxes neste space. As mesmas poderédelas atopar ao final do albume “fauna”, onde se engadiron novas instantáneas de gaivotas captadas este mesmo domingo. Tamén un novo albume chega ata o Rincón, co nome Atardecer, no cal podedes atopar fotos captadas a últimas horas do día, este último albume, ao igual que o de flora e fauna irase actualizando con novas imaxes, máis adiante.

Espero que vos gusten.

Candia’86