Paseo dos Namorados, Sargadelos-Cervo

Mon, 03 Sep 2007 09:46:53 GMT

Paseo dos Namorados e arredores

Un novo recuncho da Mariña lucense chega ao Rincón Candia’86, nesta ocasión trátase do “Paseo dos Namorados” en Cervo, enclavado dentro do conxunto “Histórico-Artístico” de Sargadelos.

Este paseo atópase a pouco máis dun quilómetro da actual fábrica de cerámica de Sargaledos, e esta perfectamente indicado partindo da mesma. Un lugar idóneo para pasear en compañía e pasar un agradable día desfrutando ao máximo da natureza en estado puro.

O principal recurso natural que podemos atopar é a auga que nos trae o río Xunco, río no cal podemos ver unha fermosa presa na cal chega ao seu fin o Pase dos Namorados.

Pero ademais desta ruta dos namorados, podemos atopar unha senda botánica, con gran variedade de prantas as cales están perfectamente indicadas ao longo do traxecto desta ruta; a fonte da Tella, un pequeno museo, con cadros como non dun mindoniense, Mauro Leivas, podemos tamén percorrer o Camiño Real, o cal atopamos un chisco máis abaixo da antiga fábrica de Sargaledos a cal tamén podemos visitar, xunto co Pazo do Mariscal de Sargadelos ou o Museo da Historia da mesma fábrica; e por suposto como non, o actual proceso de fabricación da codiciada cerámica, así como comprar algunha destas pezas na actual fábrica de Sargadelos.

E como non podía ser doutro xeito as imaxes falan por si soas, polo cal xa tendes un albume de fotos co nome “Paseo dos Namorados e arredores”, para que desfrutedes coas imaxes, tamén ao longo desta maña estará na rede un pequeno vídeo-montaxe sobre este recuncho natural da nosa comarca.

Un saúdo a todos

Candia’86

O Rincón de Candia'86: Viajes

Paseo dos Namorados, Sargadelos-Cervo